Middle East Armenian Portal
Home News Forums   Articles   Directory Links Downloads Photos Services Events Calendar About us  
 
Articles > Armenians in Kuwait > Շնորհակալ ենք, Մայրի՛կ

Armenian School in Kuwait

Գրեց՝ Ալիք Շաննաքեան

Քուէյթի Ազգային Վարժարանի աշակերտութիւնը Կիրակի, 22 Մարտ, 2009-ին, առաւօտեան ժամը 7։30-ին, ուրախութեամբ նշեց Մայրերու Օրը, ուր ներկայացուց ճոխ յայտագիր մը։

Ձեռնարկի բացման խօսքը ներկայացուց Ալիք Շաննաքեան։ Ան իր խօսքին ընդմէջէն անդրադարձաւ հայ կնոջ՝ յատկապէս հայ մօր նուիրուածութեան, անվերջ սիրոյ և անոր վստահուած սերունդներ կերտելու աշխատանքին մասին։

Ետքը բեմ բարձրացաւ 6-րդ կարգէն Յարութ Նալճեան և ասմունքեց ականաւոր բանաստեղծ՝ Յ. Շիրազի գործերէն՝ Մօրս Նման Աշխատասէր ոտանաւորը։

Շատ գեղեցիկ, միաձայն և սիրով լեցուն 5-րդ կարգի աշակերտերուն ձայնը լեցուց բակը, երբ ասմունքեցին Պ. Սեւակի Մօր Ձեռքերը։

9-րդ կարգի աշակերտուհի՝ Մարիա Քէօշկէրեան մեներգեց Իմ Անուշ Մայրիկս երգը իր մեղմ և քաղցր ձայնով։

Մանկական գեղեցիկ ժպիտներով և փայլուն ու անմեղ աչքերով յաջորդաբար բեմ բարձրացան՝ Սարգիս Իյճեան, որն ասմունքեց Մայրիկիս ոտանաւորը, իսկ Յակոբ Սամուէլեան՝ Ուսուցիչս։

Ի վերջոյ Յ. Շիրազի Կշեռք բանաստեղծութիւնը մեզի հրամցուցին 3-րդ դասարանի աշակերտները։

Մթնոլորտը ջերմ էր, տրամադրութիւնները բարձր ու աշխոյժ։

Այսպիսով, ամէն մէկ աշակերտ իր մասնակցութիւնը բերաւ այս կարեւոր օրուան կապակցաբար, շնորհաւորեց իր մօրն ու բոլոր մայրերուն։

Հուսկ կը մնայ ըսենք՝
Շնորհակալ ենք Մայրի՛կ

ԱԶԴԱՐԱՐ ՏԵՂԵԿԱՏՈՒ ԱՌԱՋՆՈՐԴԱՐԱՆԻ ՀԱՅՈՑ ՔՈՒԷՅԹԻ ԵՒ ԱՐԱԲԱԿԱՆ ԾՈՑԻ ԵՐԿԻՐՆԵՐՈՒ ԹԵՄԻՆ

ՆՈՐ ՇՐՋԱՆ, Ա. Տարի, Թիւ 12, Ուրբաթ, 27 Մարտ, 2009


Added: Friday, March 27, 2009
Hits: 5268
Comments: 0
[ Back to Article Index | Post Comment ]


        Print
 
Bookmark and Share


Announcements
Azad-Hye Diary
UAE Armenians


















   

Home · News · Forums · Articles · Directory · Links · Downloads · Photos · Services · Diary · Events Calendar · About Us

Copyright © Azad-Hye, 2003-2009. All Rights Reserved.